Trajtimi i ujit industrial dhe Mbetjeve Industriale

Water Boutique shpk projekton dhe instalon filtra të certifikuar për pastrimin e ujit dhe trajtimin e ujerave të shkarkimit dhe mbetjeve industriale të Bizneseve të Ndrsyhme si Restorante, Hotele, Lavanderi, Fabrika Mishi , Fabrika Qumeshti etj.
Filtrat dhe materialet e tyre zgjidhen në bazë të karakteristikave të ujit që do të trajtohet, llojit të mediumit të filtrit dhe kapacitetit ditor te shkarkimit.
Uji i filtruar nga Water Boutique është i sigurtë, mbron në mënyrë permanente invenstimin dhe rrit efikasitetin e punës tuaj.

Trajtimi i ujit të ujësjellesit –  Uji i pijshëm

Water Boutique shpk ofron teknologjinë e certifikuar të filtrit me membranë. Ne ju mundësojmë Ujësjellsave dhe Bashkive të kenë qasje në mënyrë të qëndrueshme për furnizimin e popullësisë me ujë pijshëm të pastër dhe të sigurtë.
Filtrat dhe sistemet tona të ujit kane kapicitete të mëdha, janë të aftë për të eleminuar turbullirën, lëndët e ngurta, bakteret, viruset dhe PFAS nga uji. Kjo teknologji inovative garanton ujë të pijshëm të pastër për cdo konsumator.

Trajtimi i ujrave te zeza

Inovacioni teknologjik në trajtimin e ujërave të zeza është një tregues thelbësor për të përmirësuar cilësinë e jetës së çdo individi dhe ambienti.

Water Boutique shpk  e ofron  këtë risi me  përdorimin e shumellojshmerise se Projekteve ne Trajtimin e Ujerave te Zeza .

Ky lloj trajtimi i Ujërave të Zeza  ofron avantazhe ekonomike,  mbrojtje mjedisore dhe sociale në ambjentet natyrore

Për më tepër, Water Boutique shpk është përfaqesues zyrtar dhe distributor i Kompanive prestigjoze Gjermane dhe Hollandeze për trajtimin e ujërave të zeza duke sjellë në shqipëri teknologjinë moderne dhe  një risi për  këtë lloj trajtimi.  Duke reduktuar ndjeshëm emëtimin  e gjurmës  të karbonit CO2, në krahasim me teknologjitë tradicionale që perdorën sot.

WATER BOUTIQUE

Ku ka ujë jemi ne…

Water Boutique është brand ndërkombëtar i rregjistruar, lider në filtrimin e ujit në Shqipëri dhe rajon. Ne jemi një institucion plotësisht i dedikuar për individët, familjet dhe sipërmarrjet që dëshirojnë të zgjidhin problemet e ujit te rubinetit, pajisjeve dhe makinerive të tyre, pa sakrifikuar rehatinë dhe cilësinë. Sistemet e filtrimit Water Boutique janë në gjendje të kënaqin çdo nevojë, nga familjet më të vogla e deri tek sipërmarrjet e mëdha, duke gjetur zgjidhjen më të përshtatshme bazuar në llojin e ujit që duhet filtruar.

Zgjidhjet inovative që ne ofrojmë dhe që zhvillohen çdo ditë, bazuar në eksperiencën shumë vjeçare, orientohen drejt objektivit tonë të vetëm; Përmirësimi i cilësisë së jetës kudo që është uji.

Zgjidhni

Efikasitetin

Ne transformojmë çdo lloj uji në ujë të pijshëm duke eleminuar:

0%

të metaleve të rënda

0%

të klorit dhe klorideve

0%

të baktereve

0%

të çdo kontaminuesi të dëmshëm

Problemet e UJIT

Bakteret dhe Viruset

Në ujë është e zakonshme prania e mikroorganizmave patogjenë si (salmonela, viruse, escherichia coli, bakteret koliforme, enteroKoku, legionella, Giardia, cryptosporidium, campylobacter etj). Sëmundjet infektive të shkaktuara nga bakteret patogjene, viruset dhe parazitët protozoarë janë rreziqet shëndetësore më të zakonshme dhe të përhapura nga uji. Njerëzit bijen në kontakt me këto mikroorganizma përmes rrjetit të ujit të pijshem të kontaminuar, uji i puseve, aerosolet dhe uji sanitar.
Mbrohuni nga bakteret dhe Viruset me vendosjen e Filtrave te Ujit dhe Llampat UV të cilat montohen që në hyrje të rrjetit ose në lavamanin tuaj, për ujë të pijshëm dhe sanitar të sigurt dhe te shëndetshëm.
Llampa UV lëshon rreze ultraviolet të cilat shkatërrojnë vetëm ADN e baktereve. Bakteret shumohen me anë të ndarjes së AND. Duke shkatërruar ADN-në e tyre eleminojmë deri në 99.99% mundesinë e tyre për mbijetesë.

Pjesë grimcash - rërë, ndryshk, sedimente

Uji në rrugëtimin e tij merr me vete dhe shumë elemente të tjerë, të cilat shkaktojnë bllokime të rubinetave dhe pajisjeve që funksionojnë me ujë (Dushi, Lavatriçe, Lavapjatëse). Ato vjetërohen më shpejt dhe humbin efektivitetin e tyre.

Parafiltra për eleminimin e sedimenteve, gurë, alga, instalohen në hyrje të rrjetit për një mbrojtje të rrjetit hidraulik. Parafiltra me fishekë ndrimi çdo 6 muaj ose me vetëshpërlarje.

Klori

Sa herë na ka ndodhur të mbushim një gote uji nga rubineti dhe ajo të duket e bardhë. E kemi lënë të qartësohet duke menduar se Klori është larguar, por në fakt ai vazhdon të jetë i pranishëm në ujë. Në standardet evropiane për ujin e pijshëm, tregohet se në ujë duhet të shtohen 2-3 mg/l klor për të patur një dezinfektim të mirë dhe përqendrim të mbetur dhe sasia maksimale e klorit të përdorshëm është 5 mg/l. Përvec erës së rëndë, helmimi nga marrja e klorit në ujë mund të shkaktojë vështirësi në frymëmarrje, grumbullim të lëngjeve në mushkëri, djegie në gojë, dhimbje dhe ënjtje në fyt, dhimbje stomaku, të vjella dhe gjak në jashtëqitje. Për eleminimin e Klorit në ujë ka disa menyra, më e përdorshmja instalimi i parafiltrave me Karbon Aktiv, por që dhe kjo metodë nuk është 100% efikase. Për zgjidhjen më efikase dhe të sigurtë, drejtojuni specialisteve të Water Boutique.

Gëlqerja dhe Smërci

Cdo investim në shtrimin e tubacioneve hidrosanitare apo blerja e pajisjeve profesionale që funksionojnë me ujë (lavastoviljet , lavatricet ) I gjithë sistemi i ngrohjes (chiller , panel diellor ) është gjithmonë i kushtueshëm .
Nëse një ujë është i pakontrolluar dhe i pa trajtuar të gjitha këto investime në pak muaj do shfaqin problemet e para: Bllokimi I dusheve , Veshja e rezistencave të lavatriceve apo ngjohjeve me element smërci , grumbullim i gëlqeres brenda depozitave dhe boliereve , njollat dhe shenjat ne qelq dhe enë gatimi . Nëse vetëm Rezistenca e Lavatrices vishet me smërc ajo do rritë sasinë e energjisë se kërkuar për të punuar , detergjentë me shumë dhe seriozisht nuk do jetë efektive në larjen e rrobave si më parë. Mbrojtja e investimit kërkon kontroll të vazhdueshëm të cilësisë dhe fortësisë së ujit dhe instalimin në hyrje të rrjetit të Zbutësave të ujit dhe pajisjeve të tjera ndihmëse. Zbutëat e ujit eleminojnë Magnezin dhe Kalciumin nga uji të cilët janë përgjegjësit kryesore për krijimin e smërcit dhe gëlqeres, duke ulur efikasitetin dhe jetëgjatësinë e paisjeve hidrosanitare .

Metalet e rënda

Termi metal i rëndë i referohet të gjithë elementeve kimikë metalikë që kanë një densitet relativisht të lartë dhe janë toksikë në përqëndrime të ulta. Shembuj të metaleve të rënda përfshijnë mërkurin (Hg), kadiumin (Cd), arsenikun (As), kromin (Cr), taliumin (Tl, plumbin (Pb) etj. Këto metale të rënda nuk degradohen ose shkatërohen. Në një mase të madhe ose të vogël ato hyjnë në trupin tonë përmes ushqimit, ujit dhe ajrit. Metalet e rënda janë të rrezikshme sepse kanë tendencë të bioakumulohen. Bioakumulimi nënkupton një rritje të përqëndrimit të një elementi kimik në një organizëm biologjik me kalimin e kohës, nëkrahasim me përqëndrimin e kimikateve në mjedis.
Disa nga efektet në organizëm:
Efektet e metaleve të rënda janë të shumta: ato mund të shkaktojnë fenomene irrituese, intoksikacione akute dhe kronike, mund të kenë veprim mutagjenik ose kancerogjen. Edhe organet ose sistemet e prekura janë të shumta:
Gjaku, Veshka, Sistemi nervor qendror dhe periferik, Sistemin e frymemarrjes, Traktin gastrointestinal, Sistemin kardiovaskular, Lëkurë.
Filtrat e ujit të Sistemeve Cilësore të Trajtimit të Ujit nga Water Boutique, janë të vetmit trajtues të Certifikuar dhe Standartizuar nga Institucionet e Akredituara te BE për Eleminimin e Metaleve të Rënda nga Uji!

Mjediset tona

SHOWROOM

Water Boutique ka showroomin më të madh në Shqipëri me mbi 1000 produkte në fushën e filtrimit të ujit. Përfaqësues zyrtar i markave lider në botë si BWT, Blupura, Best UV, Fit aqua, 3M, Lenntech, Patinium Wasser, Olympus. Në showroomin tonë mund të gjeni larmishmëri të sistemve të filtrimit të ujit edhe të gjithë aksesorët e nevojshëm. Zotërojmë nga filtrat më të thjeshtë për trajtimin e ujit për familje, vila, biznese (bar, restorante, hotele) deri në sistemet e personalizuara sipas nevojave specifike të çdo klienti, për resorte turistike apo dhe industritë (ushqimore, farmaceutike, etj). Ky showroom është i hapur nga e Hëna -Shtunë ora 9.00-21.00

LABORATORI

Water Boutique zotëron një laborator modern të akredituar për të kryer analizat e ujit (të rrjetit, puseve, burimeve, lumenjeve apo liqeneve ) për ti ofruar çdo klienti zgjidhjen ideale për problemin e ujit. Me teknologjinë e fjalës së fundit Gjermane në aparatura dhe shërbim cilësor, ky laborator ofron kushtet opmtimale për marrjen e çdo lloj shërbimi laboratorik.

SERVISI DHE ASISTENCA

Water Boutique garanton menaxhimin e projektuar të montimit. Siguron një shërbim profesional të asistences teknike me stafin e tij të kualifikuar dhe me një eksperiencë 15 vjeçare për trajtimin e ujrave. Teknikët tanë i nënshtrohen një programi trajnimi të vazhdueshëm nga specialistë gjermane duke garantuar një shërbim cilësor dhe të shpejtë për klientin. Zgjidhje në kohë reale ndaj çdo problematike të ujit.

Projekt Kombëtar nga Water Boutique

Bottle Free Zone

Ujë i shëndetshëm Pa Plastikë
Kurseni para – Mbroni shëndetin dhe mjedisin

Askush nuk pëlqen të paguajë 300 herë më shumë sesa duhet, kështu që me pastrimin e ujit të çezmës, krijohet një mundësi e madhe, më pak plehra, një mjedis më i pastër, ujë më i lirë, shëndet më i mirë. Vetëm kur të jemi pajtuar me idenë se uji i pijshëm nga çezma është vërtet i sigurt.

Partnerët Tanë

Njihuni me shërbimet tona dhe klientët që kanë zgjedhur të na besojnë!