07 Mar 4 Mars 2025

Gjimnazin “Besnik Sykja” Tiranë

Me ftesë të Koordinatores për Këshillimin e Karrierës në Gjimnazin “Besnik Sykja” Tiranë,  Shoqëria Water Boutique Shpk  organizoi një sesion informues me nxënësit e vitit të 10 -të.

Në workshop-in e mbajtur në ambientet e gjimnazit, morën pjesë 32 nxënës që përfaqësonin  8 klasa të këtij viti mesimor .

Pasi shprehu kënaqesinë e rikthimit në këto auditore pas 18 vitesh, Drejtoresha Ekzekutive e Water Boutique Shpk, Znj. Xheni Vata, prezantoi shembullin e saj personal duke referuar kështu edhe  strategjinë dhe mundësitë konkrete  që ofron  shoqëria Water Boutique Shpk për rekrutimin e stafit, nxitjen dhe zhvillimin e karierës.

Znj. Vata theksoi se arsimi nuk është thjesht një mjet për marrjen e njohurive, por një proces për zhvillimin personal dhe profesional të gjithësecilit.

Nxitja dhe eksplorimi i të mësuarit e vazhdueshëm u siguron individëve aftësitë dhe fleksibilitetin e nevojshëm për të përballuar sfidat në një botë që ndryshon vazhdimisht.

Për ta bërë eksperiencën sa më interaktive, u realizuan lojëra dhe aktivitete që i ndihmuan nxënësit të shihnin nga afër sfidat dhe mundësitë e rrugëtimit drejt sipërmarrjes.

U diskutua mbi rëndësinë e pasionit, këmbënguljes dhe inovacionit, duke i frymëzuar ata të ëndërrojnë dhe të veprojnë me guxim.

Duke përmirësuar konceptin e rritjes personale dhe atë të angazhimit aktiv, formësohen dhe kultivohen talente, të cilat hapin dyert për mundësi të paimagjinueshme!

Water Boutique – Ku ka uje jemi ne…